Lufta në Ukrainë do të hyjë në fazë të re, paralajmëron inteligjenca britanike

Shefat e inteligjencës ushtarake britanike kanë paralajmëruar se lufta në Ukrainë do të hyjë në një fazë të re.

Forcat ruse janë duke u grumbulluar në jug në përgatitje për një kundërsulm nga Ukraina, paralajmëroi Ministria e Mbrojtjes.

“Lufta e Rusisë kundër Ukrainës është gati të hyjë në një fazë të re, me luftimet më të ashpra që do të zhvendosen në një vijë fronti afërsisht 350 km që shtrihet në jugperëndim nga afër Zaporizhzhia në Kherson, paralel me lumin Dnieper”, thuhej në njoftimin e publikuar në Twitter.

Grupet taktike të batalionit, të përbërë nga 800 deri në 1,000 trupa. janë vendosur në Krimenë e aneksuar dhe pritet të mbështesin trupat ruse në Kherson, bëhet me dije ndër të tjera.

Latest Defence Intelligence update on the situation in Ukraine – 6 August 2022

Find out more about the UK government’s response: https://t.co/ipwkuIN1lV

🇺🇦 #StandWithUkraine 🇺🇦 pic.twitter.com/cyB1fVrATh

— Ministry of Defence 🇬🇧 (@DefenceHQ) August 6, 2022

Ditën e sotme,

Organizata e Kombeve të Bashkuara (OKB) ka bërë thirrje për t’i dhënë fund menjëherë çdo aksioni ushtarak pranë centralit bërthamor të Zaporizhias në Ukrainë.

OKB-ja ka paralajmëruar për një rrezik real të një fatkeqësie bërthamore, për shkak të bombardimeve dhe luftimeve midis ushtrive ukrainase e ruse.

LEXONI GJITHASHTU

• Erdogan i kërkon Putinit që të takohet me Zelenskin në Turqi
• Sulmet në Zaporizhia, OKB: Ukraina rrezikohet nga një katastrofë bërthamore