Luftë diplomatike Rusi-Estoni, dy vendet dëbojnë ambasadorët

Autoritetet në Rusi kanë urdhëruar ambasadorin e Estonisë që të largohet nga vendi brenda datës 7 shkurt, pasi Kremlini e akuzoi shtetin baltik për “Rusofobi”.

Në një deklaratë zyrtare, Ministria e Jashtme ruse deklaroi se Estonia qëllimisht kishte shkatërruar marrëdhëniet me Moskën.

Margus Laidre është ambasadori i parë që Rusia ka dëbuar që nga nisja e pushtimit të Ukrainës.

Nga ana e saj, Estonia reagoi duke i kërkuar ambasadorit rus që të largohet brenda së njëjtës ditë.

Lëvizja e Kremlinit ndaj diplomatit të vendit baltik vjen pasi ky i fundit urdhëroi reduktimin e stafit të ambasadës ruse në Talin.

Konkretisht, Moskës iu urdhërua të shkurtonte stafin diplomatik nga 17 në 8 persona brenda fundit të janarit.

Sidoqoftë, tensionet mes dy vendeve u rritën javën e kaluar pasi përfaqësues nga 11 vende të NATO-s u mblodhën në një bazë ushtarake të Estonisë për të diskutuar se si të ndihmonin Ukrainën dhe si të ndalnin avancimin rus.

LEXONI GJITHASHTU

• Gjermania ‘zhbllokon’ tanket: S’pengojmë dërgimin e ‘Leopard 2’ nga vende të tjera
• Vuçiç drejt dorëheqjes? Çfarë pritet të deklarojë sot para popullit serb