Luftimet intensive në porte, Ukraina shkatërron një anije ruse

Forcat ukrainase shkatërrojnë një anije të madhe ruse në det, teksa ishte duke sjellë furnizime për trupat e saj.

Gjithçka ndodhi teksa anija po ankorohet në Berdyansk në Detin Azov. Ukraina pretendon se anija është goditur nga një prej raketave të saj balistike.

Me vazhdimin e bombardimeve ruse, Kievi dhe Moska po japin të dhëna kontradiktore në lidhje me zhvendosjen e njerëzve në Rusi dhe nëse ata po zhvendoseshin me dëshirë po detyroheshin apo po gënjeheshin.

Ukraina akuzon Moskën se ka marrë me forcë mbi 400.000 civilë nga qytetet e shkatërruara të Ukrainës, për t’u përdorur si “peng” e për t’i bërë presion Kievit që të dorëzohet. Kremlini ka dhënë numra pothuajse identikë për ata që janë zhvendosur, por thotë se ata donin të shkonin në Rusi.

Ndërsa forcat e Ukrainës luftojnë për të ruajtur qytetin port pothuajse të shkatërruar të Mariupolit, një tjetër port ai i Odesës pritet të pushtohet. Ushtarët dhe banorët mbeten vigjilentë në pritje të një ofensive ruse kundër qytetit.

Ministria e mbrojtjes e Ukrainës pretendon se trupat e saj kanë shtyrë forcat ruse nga disa zona rreth Kievit, por ushtarët rusë janë ende duke rrethuar kryeqytetin.

LEXONI GJITHASHTU:

• BE firmos marrëveshje me SHBA për të ulur varësinë nga gazi rus
• Rusia konsideron Bitcoinin për shitjen e naftës dhe gazit
• Putin i kërkon Gazpromit që gazi rus të shitet në rubla