Lumi i Erzenit del nga shtrati, gazetarja jep detaje nga situata në Durrës

Gazetarja e Euronews Albania, Lorida Mani ka dhënë detaje të reja lidhur me situatën e përmbytjeve në qytetin e Durrësit. Ajo ka bërë me dije se lumi Erzeni ka dalë nga shtrati duke përmbytur toka bujqësore.

Gazetarja thekson se deri tani është evakuuar një familje nga dalja e lumit. Ajo shtoi se situata në brendësi të Durrësit është duke u normalizuar ndërsa në burgun e Durrësit është larguar uji nga katet e para. Sipas saj prezencë të ujit ka në oborrin e këtij institucioni.

“Lajmi më i fundit i cili sapo jam informuar është se lumi Erzeni ka dalë nga shtrati duke përmbytur qindra toka bujqësore edhe banesa ndër ta një është evakuuar deri më tani.

Në brendësi të qytetit të Durrësit është drejt normalizimit.  Situata kritike mbetët në periferi në zonat administrative në Katund, Sukth, Katund i ri, Rrushkull, Shkozet dhe në lagjen 14 të qytetit të Durrësit.

Në zonë  e ish-kënetës, banorët janë larguar tek të afërmit e tyre. Bilanci mbetet mbi 1 mijë banesa të përmbytura dhe shumë banorë të evakuuar. 400 biznese janë përmbytur nga uji”, tha ajo.