Macron akuzon rivalët për nxitje të paqëndrueshmërisë: Nuk jap dorëheqjen

Presidenti francez, Emmanuel Macron ka akuzuar partitë politike rivale për nxitje të paqëndrueshmërisë, ndërsa ka hedhur poshtë thirrjet e opozitës që ai të japë dorëheqjen mes krizës më të keqe politike të Francës.

Ai tha se forcat politike rivale ishin  përgjegjëse për këtë kaos pasi sipas tij ata nxitën destabilizimin e kryeministrit, Sebastien Lecornu. Lecornu mbajti takimin e tij të parë me qeverinë e re të Francës pasi emëroi figura të forta nga grupimi qendror i Macronit, si dhe disa nga radhët e larta të shërbimit civil dhe shoqërisë civile.

Franca është zhytur nga një krizë në tjetrën që nga rreziku i Macron për zgjedhje të parakohshme vitin e kaluar që çuan në një rezultat të papërfunduar. Parlamenti mbetet i ndarë midis tre blloqeve: e majta, e djathta ekstreme dhe qendra, pa shumicë të qartë. Disa parti i kanë bërë thirrje Macronit të japë dorëheqjen.

“Mos harroni kurrë se mandati i dhënë nga populli francez është të shërbejë, të shërbejë dhe të shërbejë, dhe të japë përgjigje për pyetjet e francezëve të zakonshëm, dhe të bëjë gjithçka që është e mundur për pavarësinë e Francës”, tha Macron.

Mandati i Macronit përfundon në pranverën e vitit 2027. Ai nuk pranoi të spekulonte për një shpërbërje të mundshme të parlamentit dhe zgjedhje të parakohshme nëse qeveria e re dështon.

LEXONI GJITHASHTU:

• Macron takim me udhëheqësit e partive në përpjekje për të emëruar kryeministrin e ri
• Me shpinë pas murit, Macron gjithnjë e më i izoluar teksa kriza thellohet