Macron: Një ndërhyrje masive tokësore në Gaza do të ishte një gabim për Izraelin

Presidenti francez Emmanuel Macron tha dje se ai besonte se do të ishte një “gabim” për Izraelin të nisë një “ndërhyrje masive tokësore” në Gaza, megjithëse ai ripohoi të drejtën e Izraelit për t’u mbrojtur.

“Franca njeh të drejtën e Izraelit për t’u mbrojtur. Sa i përket ndërhyrjes tokësore, nëse ajo drejtohet tërësisht kundër një grupi terrorist, kjo është zgjedhja që ka, por nëse është një operacion masiv që do të rrezikonte popullsinë civile, atëherë mendoj do të ishte gabim për Izraelin”, u tha Macron gazetarëve në Kajro, raportoi Reuters.

Macron shtoi se gjithsej 31 qytetarë francezë u vranë në sulmet e Hamasit në Izrael në fillim të këtij muaji.

LEXONI GJITHASHTU:

• Emmanuel Macron do të vizitojë Egjiptin
• Macron: Koalicioni ndërkombëtar që luftoi IS-in mund të luftojë Hamasin