Macron përpjekje për të krijuar shumicën qeverisëse, opozita e refuzon

Një fjalimin e parë pas zgjedhjeve të së dielës, presidenti Emmanuel Macron i cili humbi shumicën qeverisëse bëri thirrje për bashkëpunim dhe kompromis.

Por qëllimi i tij për të krijuar një shumicë parlamentare në javët e ardhshme është refuzuar.

Udhëheqësi i ekstremit të majtë Jean-Luc Melenchon e përshkroi fjalimin e Macron të zhurmshëm dhe kërkoi që në parlament të paraqitet një votë mosbesimi për  kryeministren Elisabeth Borne.

“Nuk mund të ketë realitet tjetër përveç këtij: ekzekutivi është i dobët dhe Asambleja Kombëtare është e fortë falë legjitimitetit të tij të fundit. Kryeministri, si në të gjitha vendet demokratike të botës, duhet të dalë para Asamblesë Kombëtare dhe të kërkojë besimin e deputetëve. Nëse ajo nuk e ka këtë besim, duhet të japë dorëheqjen” u shpreh Melenchon.

Udhëheqësja e ekstremit të djathtë Marine Le Pen e cila për herë të parë fitoi 89 deputetë në zgjedhjet e së dielës, shkroi në Tëitter se Macron pretendon se ka mbështetjen e qytetarëve.

Aleanca  e presidentit EnSemble fitoi 245 vende në Asamble, 44 deputetë më pak cka do t’i siguronte shumicën parlamentare.  Qeveria e tij ka ende fuqinë të qeverisë, por miratimin e ligjeve dhe reformave duhet të përballet me opozitën.

LEXONI GJITHASHTU

• Macron kërkon të formojë qeverinë pasi humbi shumicën në parlament
• Macron humbet shumicën absolute në zgjedhjet parlamentare