Macron zbulon propozimin e Evropës për Iranin: 4 kushtet për t’i dhënë fund luftës

Presidenti francez Emmanuel Macron ka zbuluar detaje të reja mbi propozimin diplomatik që Evropa pritet t’i paraqesë Iranit gjatë bisedimeve në Gjenevë, të planifikuara për këtë të premte, me synimin për t’i dhënë fund konfliktit me Izraelin.

Duke folur nga Le Bourget, pranë Parisit, Macron tha se Franca dhe aleatët evropianë kanë hartuar një plan me katër pika, i cili synon të ulë tensionet dhe të rifillojë një proces diplomatik me Teheranin.

Katër pikat kyçe të propozimit janë:

• Rifillimi i punës së Agjencisë Ndërkombëtare për Energjinë Atomike (IAEA) në Iran me qëllim që të arrihet objektivi i “zero pasurim” të uraniumit.
• Mbikëqyrja e aktiviteteve të raketave balistike të Iranit.
• Ndalimi i financimit iranian për grupet militante proksi në rajonin e Lindjes së Mesme.
• Lirimi i të ashtuquajturve “pengje” nga Irani, duke iu referuar shtetasve të huaj të mbajtur në burgjet iraniane.

“Irani duhet të tregojë se është i gatshëm të bashkohet me platformën e negociatave që ne po vendosim në tryezë,” deklaroi Macron për gazetarët.

LEXONI GJITHASHTU:

• U raportua i vdekur, gjenerali i lartë iranian mesazh në media: Jam gjallë
• Kush ishin katër gjeneralët iranianë të vrarë në sulmin izraelit?
• Lideri Suprem i Iranit evakuohet në bunkerin e sigurt në Teheran