“Maji i përgjakshëm” në Iran, ekzekutohen edhe 3 protestues

Pavarësisht protestave të shumta publike, kundërshtimeve nga organizatat e të drejtave të njeriut dhe shqetësimeve të ngritura nga qeveri të shumta, Irani ka ekzekutuar tre burrat të cilët u arrestuan gjatë protestave antiqeveritare.

Kritikët argumentojnë se autoritetet kryen gjykime të nxituara, detyruan me forcë të akuzuarit që të rrëfeheshin dhe shkelën të drejtën e tyre për një proces të rregullt ligjor.

Sipas një raporti të publikuar nga agjencia e lajmeve Mizan, e lidhur me gjyqësorin e Iranit, Saleh Mirehashimi, Majid Kazemi dhe Saeed Yaqoubi u ekzekutuan në agimin e 19 majit në një burg në qytetin qendror iranian të Isfahanit.

Treshja ishte e përfshirë në një incident më 16 nëntor 2022, gjatë të cilit dy anëtarë të forcave paraushtarake iraniane dhe një oficer i zbatimit të ligjit u qëlluan për vdekje në Isfahan.

Përplasja ndodhi në kulmin e protestave të shkaktuara nga vdekja e 22-vjeçares Mahsa Amini, 22-vjeçarja që vdiq teksa po mbahej në paraburgim nën dyshimet se kishte shkelur rregullat e veshjes së hixhabit, apo shamisë së kokës.

Megjithatë, bazuar në një foto të vendimit të gjykatës të bërë publike nga familjet e të pandehurve, dënimet me vdekje për të tre personat nuk janë dhënë për vrasje, por për “luftë kundër Zotit”, një krim që shpesh zbatohet për të përndjekurit politikë në Iran.

Të tre burrat mohuan akuzën për vrasje gjatë rrëfimeve të tyre të dhëna me detyrim dhe të transmetuara në televizionin shtetëror të Iranit.

LEXONI GJITHASHTU:

• Manastirliu në Maternitetin “Koço Gliozheni”: Do kryejmë fertilizimin in-vitro falas
• Manastirliu në Maternitetin “Koço Gliozheni”: Do kryejmë fertilizimin in-vitro falas