Makina del nga rruga dhe bie në oborrin e banesës, plagosen 4 turistë në Sarandë

Katër persona kanë mbetur të plagosur në një aksident të ndodhur paraditen e së enjtes në Sarandë.

Policia tha se në vendin e quajtur “Ujëvara e Borshit”, shtetasi Astrit Shukullari, 71 vjeç, duke drejtuar automjetin tip “Benz”, dyshohet se ka manovruar gabim dhe si pasojë automjeti ka dalë nga rruga dhe ka rënë në oborrin e një banese.

Nga aksidenti janë dëmtuar 4 shtetas austriakë që udhëtonin me këtë automjet, të cilët u transportuan në spitalin e Vlorës, jashtë rrezikut për jetën.

Grupi hetimor ndodhet në vendngjarje dhe po kryen veprimet për zbardhjen e plotë të rrethanave të aksidentit.

LEXONI GJITHASHTU:

• Aksident në Ersekë, përplasen 2 makina, 4 persona përfundojnë në spital
• Shkodër: Aksident në fshatin Vukatanë, lëndohet 82-vjeçari