EMRI| Makina përplas efektivin e policisë në Durrës

Një efektiv policie është përplasur nga një automjet në qytetin e Durrësit.

Ngjarja ka ndodhur në lagjen nr.9 të qytetit bregdetar pranë Muzeumit të Dëshmorëve.

Burime për Euronews Albania bëjnë me dije se efektivi Gentian Hoxholli ka marrë dëmtime të lehta për shkak të përplasjes.

“Rreth orës 19:45, në lagjen nr. 9 Durrës, automjeti me drejtues shtetasin R. A, është përfshirë në një aksident me  këmbësorin, shtetasin G. H, (punonjës policie) i cili është në spital, në kujdesin e mjekëve. Drejtuesi i automjetit shtetasi R. A, është shoqëruar në Komisariatin e Policisë Durrës, për veprime të mëtejshme.

Grupi hetimor ndodhet në vendngjarje dhe po punon për sqarimin e rrethanave të aksidentit”, bëri me dije policia.

LEXONI GJITHASHTU:

• Aksidenti me 4 viktima/ Ekspertë nga Tirana për shkaqet e përplasjes fatale
• E rëndë në Durrës| 3-vjeçarja bie aksidentalisht nga ballkoni i katit të shtatë