Makina përplas këmbësorin në aksin Gjirokastër-Kakavijë, çfarë thotë policia

Një aksident i rëndë ka ndodhur mbrëmjen e së shtunë rreth orës 22:30, në aksin rrugor “Gjirokastër-Kakavije”, në vendin e quajtur “Kryqëzimi i Glinës”.

Sipas policisë, shtetasi T. B., 29 vjeç, duke drejtuar automjetin tip “Volkswagen”, ka aksidentuar shtetasin S. A., rreth 56 vjeç (këmbësor), i cili u dërgua fillimisht në Spitalin Rajonal Gjirokastër, në gjendje të rëndë shëndetësore.

Policia e Gjirokastrës njofton se në përfundim të veprimeve procedurale, ka bërë arrestimin në flagrancë të shtetasit T. B., 29 vjeç, banues në Gjirokastër, sepse me automjetin që drejtonte, ka aksidentuar këmbësorin, shtetasin S. A., 56 vjeç, banues në fshatin Lazarat, i cili ndodhet në spitalin e Traumës, në kujdesin e mjekëve.