Makina përplaset me motorin në Elbasan, raportohet për të plagosur

Një aksident rrugor është regjistruar mbrëmjen e së mërkurës pranë stadiumit të qytetit të Elbasanit.

Sipas informacioneve paraprake, në aksident janë përfshirë një automjet tip “Mercedes-Benz” dhe një motomjet. Nga të dhënat e para dyshohet se shkak i përplasjes mund të ketë qenë një parakalim i gabuar, ndërsa rrethanat e plota mbeten ende për t’u verifikuar nga grupi hetimor.

Si pasojë e aksidentit janë raportuar persona të plagosur, të cilët janë transportuar me ambulancë drejt spitalit për ndihmë mjekësore. Deri në këto momente nuk ka një informacion zyrtar dhe mbi gjendjen e tyre shëndetësore.

Policia po punon për zbardhjen e plotë të shkaqeve të aksidentit, si dhe për dokumentimin procedural të rastit.