Man City përmbys Liverpoolin, Arsenali regjistron fitoren e 23-të në kampionat

Përballja mes Manchester Cityt dhe Liverpoolit ka rezultuar në spektakël i vërtetë, me të besuarit e Guardiolës të cilët triumfuan në përfundim të 90 minutëshit.

Në Ethihad u duk se gjithçka do të ishte e vështirë për vendësit, sidomos pas golit të shënuar nga Momo Salah, por avantazhi i Liverpoolit, nuk shërbeu për asgjë veçse zgjoi dëshirën e Manchester Cityt për të shënuar gola.

Barazimi i përkohshëm erdhi në minutën e 27’, ndërsa në pjesën e dytë, skuadra e Guardiolës do të dhuronte spektakël duke shënuar dhe 3 gola të tjerë. De Bruyne, Gundogan dhe Grealish shënuan në fitoren 4-1, që e mban Manchester Cityn 8 pikë larg vendit të parë që mbrohet nga Arsenali.

Topçinjtë po ashtu regjistruan fitoren numër 23 për këtë sezon në Premier Leaguen angleze, ku kundërshtari i radhës ishte Leeds. Jesus zhbllokoi rezultatin me 11metërsh, ku më pas shënoi dhe golin e dytë personal, ndërsa suksesit iu bashkuan dhe White e kapiteni Xhaka. Kriza e Chelseas duket se nuk po merr zgjidhje, ku këtë herë blutë u mundën nga Aston Villa në shtëpi me rezultatin 0-2. Triumf dhe për Crystal Palace e Bournemouth, ndërsa përballja Nottingham-Wolves u nda në barazim 1-1.

LEXONI GJITHASHTU:

• Nelson nderon Arsenalin, Manchester City vijon ndjekjen
• Supersfida Manchester City-Liverpool, Haaland mungesa e madhe