Nelson ‘nderon’ Arsenalin, Manchester City vijon ndjekjen

Arsenali ka triumfuar në frymën e fundit ndaj Bournemouthit, me golin e Nelson në minutën e 7’ të shtesës.

Gonersat zhvilluan një sfidë spektakolare, ku fituan me rezultatin 3-2. Stadiumi ‘Emirates’ u trondit që në minutën e parë, ku miqtë kaluan në avantazh me golin e Billing.

Me nisjen e së dytës Senesi dyfishoi avantazhin, ndërkohë Thomas Partey ngushtoi diferencën. White solli baraspeshën e përkohshme, teksa Nelson realizoi një supergol për të vulosur fitoren.

Aktualisht diferenca me vendin e dytë që mbahet nga Manchester City është 5 pikë, teksa qytetarët gjithashtu regjistruan fitore. Të besuarit e Guardiolës mposhtën Neëcastlen 2-0 me golat e Bernardo Silvës dhe Phil Foden, ndërsa vijojnë ndjekjen e topçinjve.

Pas 2 humbjesh radhazi edhe Chelsea e Graham Potter është rikthyer tek fitorja, duke mposhtur minimalisht Leedsin, me golin e Wesley Fofana. Pas fitores në derbi, Tottenham nuk ka mundur të vijojë dot serinë e rezultateve pozitive, ndërsa dështoi të merrte pikë ndaj Wolverhampton. Londinezët u mposhtën 1-0, ndërsa fitore regjistruan dhe Birghton, Aston Villa e Southampton.

LEXONI GJITHASHTU:

• Arsenal në bisedime me Granit Xhakën për rinovimin e kontratës
• Manchester City merr kreun, fiton ndaj Arsenalit në “Emirates”