Supersfida Manchester City-Liverpool, Haaland mungesa e madhe

Premier League angleze rikthehet me 7 përballje këtë të shtunë, teksa spikat superndeshja Manchester City-Liverpool. Qytetarët e udhëhequr nga tekniku Pep Guardiola po kalojnë një formë të jashtëzakonshme, ndërsa gjenden 8 pikë larg vendit të parë që mbahet nga Arsenali, por me 1 ndeshje më pak. Në anën tjetër, të kuqtë e Klop vijnë pas eleminimit nga Uefa Champions League, ku e patën të pamundur t’i bëjnë ballë Realit të Madridit.

Mungesa kryesore e kësaj përballje është sulmuesi norvegjez Erling Haaland, i cili pësoi dëmtim gjatë grumbullimit me kombëtaren. 22-vjeçari është absolutisht sulmuesi më i mirë i kampionatit anglez, ku ka shënuar 28 gola dhe asistuar 5 herë. Jo vetëm Haaland, por i gatshëm për teknikun spanjoll nuk është as Phil Foden.

Përballja e fazës së parë mes këtyre dy klubeve u përmbyll me fitoren minimale të Liverpoolit, ndërsa goli u shënua nga sulmuesi egjiptian Muhamed Salah. Në anën tjetër, tek miqtë janë 3 lojtarë të konfirmuar që nuk do të jenë pjesë e sfidës, si dhe Diaz, Tsimikas e Gomez në dyshim. Në 10 përballjet e fundit në kupë e kampionat, Liverpool regjistron 4 fitore, 3 Manchester City dhe 3 përballje janë ndarë në barazim.

LEXONI GJITHASHTU:

• Po shkëlqen me Barcelonën, dy ekipe angleze interesohen për sulmuesin brazilian
• Barcelona fiton sërish në La Liga, diferenca me Realin mbetet 9 pikë