Manastiri i Shën Mërisë në Zvërnec, destinacioni më i kërkuar në Vlorë

Manastiri i Shën Mërisë në Zvërnec mbetet pika turistike më e vizituar e qytetit të Vlorës, por ndoshta edhe në rang qarku, jo vetëm në verë por edhe gjatë dimrit.

Përgjatë fundjavave në manastirin në Zvërnec takon turistë nga Europa por edhe vendet e largëta si Amerika.

Turistët që vijnë kryesisht nga Ukraina, Turqia dhe SHBA tregojnë se ky vend i ka lënë pa fjalë për bukuritë natyrore që ka.

Të mrekulluar tregojnë se janë edhe me qytetin e Vlorës, i cili është kthyer në të preferuarin e tyre.

Vlorën dhe manastirin konfirmojnë se do ta sugjerojnë edhe tek miqtë e tyre në vendet e jetesës si dhe premtojnë që do të kthehen sërish.

“Ky vend është perfekt, perfekt. I mahnitshëm. Kemi ardhur nga Turqia, ndenjëm disa ditë në Durrës, por nuk ka të krahasuar me këtë vend.

Është hera ime e parë në Shqipëri dhe në Vlorë, por nuk do të jetë e fundit. Do t’ua sugjeroj të gjithë miqve të mi”, thotw njw turiste.

“Është hera ime e parë në këtë vend. Impresionet e para janë të mira. Unë vij nga Amerika. Para se të vija në Shqipëri isha në Spanjë, por edhe këtu po e shijoj këtë vend të qetë. Njerëzit këtu janë shumë të sjellshëm, pothuajse të gjithë. Mendoj se kjo është pjesë e kulturës tuaj dhe më pëlqen shumë”, shprehet njw tjetwr.

Në kishën e Shën Mërisë në Zvërnec mund të takosh nga afër bukuritë natyrore ndërthurur me kultin fetar, si dhe vizitorët e veçantë flamingo dhe pelikani kaçurrel.