Mandati i Belerit dhe zgjedhjet e reja në Himarë, KQZ mblidhet të enjten

Komisioneri Shtetëror i Zgjedhjeve, ka njoftuar mbajtjen e seancës për shqyrtimin e vlefshmërisë të mandatit të Fredi Belerit si kryebashkiak i zgjedhur i Himarës.

Seanca pritet të mbahet ditën e enjte në orën 11:00 dhe vjen pas dënimit nga Apeli i Posaçëm të Belerit për korrupsion në zgjedhje.

Duket se pas vendimit të formës së prerë për Belerin, Bashkia e Himarës pritet të shkojë drejt zgjedhjeve të reja, ndërkohë që vendimi pritet të merret ditën e enjte.

NJOFTIMI I KQZ:

Çështje për shqyrtim rishtas:

1. Projektvendim “Për shqyrtimin e vlefshmërisë së mandatit të Kryetarit të Bashkisë Himarë, z. Dhionisios (Alfred) Petro Beleri, i propozuar nga subjekti zgjedhor Koalicioni “Bashkë Fitojmë”, për zgjedhjet për organet e qeverisjes vendore të datës 14 maj 2023”.
2. Projektvendim “Për shqyrtimin e rezultatit të verifikimit të Prokurorit të Përgjithshëm, për subjektin vetëdeklarues z. Gentjan Fiqiri Muça anëtar në Këshillin e Bashkisë Tiranë, i propozuar nga subjekti zgjedhor “Partia Demokratike e Shqipërisë”, për zgjedhjet për organet e qeverisjes vendore të datës 14 maj 2023”.
3. Projektvendim “Për plotësimin e vakancës në Këshillin e Bashkisë Vau-Dejës, me kandidatin nga lista shumemërore e subjektit zgjedhor Partia Socialiste e Shqipërisë, zj. Sanilje Reshit Salja”.