Manjani: Çfarë mund të ndodhë me Erion Veliajn, “lëvizja” e Ramës me Gonxhen

Juristi Ylli Manjani komentoi në emisionin Now në Euronews Albania marrëdhëniet mes kryeministrit Edi Rama dhe kryebashkiakut të Tiranës Erion Veliaj pas paraqitjes së këtij të fundit në SPAK.

Sipas tij, Rama ja ka hequr mbrojtjen Veliajt, madje e ka edhe gati njeriun që do të udhëheqë fushatën e PS në Tiranë për zgjedhjet e ardhshme.

“Unë shoh prej kohësh nervozizmin e Veliajn në të shprehur, ai bëri një lajm nga asgjëja, e thirrën në SPAK, që nuk është ndonjë gjë e jashtëzakonshme, komenti i tij bëri lajm. Ka një siklet të jashtëzakonshëm, kërkon mbrojtje nga PS. Veliaj është si Basha, janë mbrojtur nga Rama dhe Berisha. Unë mendoj se Rama ja ka hequr mbrojtjen Veliajt. Kali i betejës në fushatën e ardhshme do jetë Blendi Gonxhe. Kjo është struktura e PS që në 2000, që ka ngritur Edi Rama dhe ja ka dhënë gati Veliajt, këta pa Ramën janë të mbaruar të gjithë”, tha Manjani.

LEXONI GJITHASHTU:

• Marrëdhënia Rama-Veliaj, Arian Çani: Ja çfarë di unë pasi shkoi në SPAK
• 13 shtetas betohen për shtetësinë shqiptare, Veliaj: Mision për të ecur përpara