Manjani ironizon Hasën: Qëllove Ramën me vezë dhe Basha s’të bëri deputet

Ish-ministri Ylli Manjani ka ironizuar Endri Hasën duke i thënë se Lulzim Basha nuk e futi as në listën për deputet dhe pse ai kishte bërë sakrificë për të.

Në një intervistë për emisionin ‘Now’ në Euronews Albania, Manjani tha se Hasa e qëlloi Edi Ramën me vezë, ndërkohë Basha as nuk mori mundimin që ta fuste në listë.

Pjesë nga biseda:

Ylli Manjani: Në sekondin që u bën listat për deputet ti miku i afërt i Lulzim Bashës nuk ishe në listë. Prisja që të ishe deputet, bëre gjithë atë gjest, qëllove Ramën me vezë. Basha ka logjikën e përjashtimit në kokë.

Endri Hasa: Ka disa njerëz në parti që punojnë vetëm për karrige të vet. Unë hyjë tek ato individë që kur partia ka pasur nevojë për hapësirë unë ja kam dhënë.

LEXONI GJITHASHTU: 

• Manjani kundër Bashës: Gabimi i Berishës që të mbrojti, më i akuzuari penalisht
• Si arriti Greqia te martesat mes të njëjtit seks? Gazetari: Luftë e ashpër me kishën