Manjani: Pse nuk e arrestuan Berishën në flagrancë kur nuk zbatoi masën e parë

Ish-ministri i drejtësisë Ylli Manjani tha se nuk e dinë deri tani që masa e sigurisë ‘Detyrim paraqitje” për Sali Berishën nuk është zbatuar.

I ftuar në emisionin “Now” në Euronews Albania, ai theksoi se nëse Berisha nuk do të kishte zbatuar masën, sipas ligjit Prokuroria duhet ta kishte arrestuar në flagrancë, dhe nuk kishte pse të bënte kërkesë në parlament.

“Po e zë se masa që masa e sigurisë “Detyrim Paraqitje” për Sali Berishën nuk është zbatuar. Kush na e thotë këtë që Berisha është thirrur dhe nuk është paraqitur. Nëse Berisha nuk shkoi ditën e martë në SPAK pse nuk e arreston SPAK në flagrancë. Nuk kishte nevojë fare të shkonte në Kuvend. SPAK ka dështuar të bëjë detyrën.  Nëse ai nuk u bind për masën e parë, çfarë garancie ka të bindet për masën tjetër. Prokurorët që nuk e bën një gjë të tillë sipas ligjit duhet të shkarkohen në vend”-tha ai.

LEXONI GJITHASHTU: 

• SHBA sanksionon financuesit e rebelëve Huthi
• Fyerje e ofendime banale, kjo është skuadra që merr gjobën marramendëse nga FSHF