Kryeministri i Britanisë së Madhe ka shprehur vlerësimin nga ana e tij për marrëdhënien SHBA-Britani e Madhe duke theksuar se tashmë ky partneritet ka më shumë rëndësi se kurrë, duke nënkuptuar situatën kaotike në Ukrainë.
“Në një moment rreziku real në mbarë botën, kjo marrëdhënie ka më shumë rëndësi se kurrë. Të dy vendet mbeten partneri i parë i njëri-tjetrit në mbrojtje dhe nuk ka dy ushtri më të ndërthurura se e jona.
Ne qëndrojmë krah për krah ende sot, dhe jemi të fokusuar tani për t’i dhënë një fund të qëndrueshëm luftës barbare në Ukrainë”, tha Starmer.
Nga ana tjetër, Presidenti Donald Trump shpreh qasjen e tij për marrëdhënien SHBA-Britani të cilën e cilëson si të veçantë.
“Ju keni qenë të mrekullueshëm në diskutimet tona. Megjithatë, ju jeni një negociator shumë i ashpër. Nuk jam i sigurt nëse më pëlqen dhe është gjë e mirë, por kjo është në rregull”, tha Trump gjatë konferencës me Starmer.
Ai tregoi se statusi i të ashtuquajturës “marrëdhënie speciale” midis SHBA dhe MB mbetet i paprekur pas takimeve të tyre.
“Kryeministri dhe unë kemi pasur një fillim të shkëlqyer. SHBA dhe Britania e Madhe kanë një marrëdhënie të veçantë, shumë të veçantë, me të vërtetë si asnjë tjetër e kaluar nëpër shekuj. Dhe ne do ta mbajmë atë kështu. Ne do ta mbajmë atë shumë të fortë ashtu siç është”, tha Trump.
LEXONI GJITHASHTU:
- Trump: Marrëveshja e mineraleve me Ukrainën do të jetë reciprokisht e dobishme
- Trump: SHBA do të vendosë tarifa shtesë prej 10% ndaj Kinës
