Marrëveshja për aeroportin e Vlorës, Rama: Motor ekonomie, Balluku: Punimet brenda 14 muajsh

Kryeministri Edi Rama dhe ministrja e Infrastrukturës, Belinda Balluku dhanë një deklaratë sa i takon marrëveshjes për aeroportin e Vlorës.

Për Ramën ky aeroport është një motor i ri për ekonominë shqiptare teksa theksoi se do të hapen katër aeroporte.

99 milionë euro është investimi që do të bëhet në aeroportin “Nënë Tereza” siç sqaroi dhe kryeministri.

Ndërkaq ministrja Balluku tha se punimet në aeroportin e Vlorës do të nisin brenda 14 muajsh dhe do të ketë një fazë përgatitore sa i takon studimit mjedisor.

“Aeroporti i Vlorës do të ketë jo vetëm injektimin direkt mbi 100 milionë euro investim në ekonomi, por ndikimet indirekte të këtij aeroporti janë të jashtëzakonshme, qoftë në volumet e punësimit, si brenda në aeroport ashtu dhe në zonë, qoftë edhe në volumet financiare të cilat do të vijnë në mënyrë indirekte në rritje për shkak të operimeve të këtij aeroporti,” – u shpreh Balluku.

LEXONI GJITHASHTU:

• Rama shpjegon nga Kukësi, zanafillën e emrit të aeroportit të dytë në Shqipëri
• Rama zotohet në Peqin: Do ndërtojmë 4 aeroporte dhe 4 porte të reja turistike
• Rama, takim me patronazhistët: Ne e dimë shumë mirë kë keni futur ju në fushatë, i njohim mendimet tuaja