Marrëveshja për emigrantët, Rama: Italisë s’i themi dot jo, na ka qëndruar pranë

Kryeministri Edi Rama në Forumin e Sigurisë GLOBSEC 2024  komentoi marrëveshjen për emigrantët me Italinë, duke theksuar se nuk mund t’i thoshte dot “jo” Italisë, pasi është një vend që na ka qëndruar pranë në momente të vështira.

Rama u shpreh se ne duhet të sillemi si evropianë, edhe pse po na vonojnë lejen për të qenë pjesë e familjes së madhe të BE.

“Nuk i themi dot jo Italisë. Nuk i thua dot jo as Giorgias. Nuk i thua dot Italisë për shkak të historisë, shumë gjërave dhe faktit se sa shumë ka qenë e pranishme për ne Italia kur kemi në situata të këqija. Së dyti, sepse jemi të gjithë evropianë dhe duhet të sillemi si evropianë. Edhe pse po na vonojnë lejen për të qenë pjesë e kësaj familjeje të përbashkët evropiane, ky është një problem për të gjithë Evropën”, tha Rama.

LEXONI GJITHASHTU:

• Rama: Shqipëria nuk ka patur asnjë interes ta shohë Rusinë si aleat, e kuptuam që…
• Rama takim me Vuçiç në Pragë, dalin fotografitë nga darka e liderëve