Marrëveshja për targat, Borrell: Parandalohet rreziku i një krize tjetër në Kosovë

Shefi i diplomacisë evropiane, Josep Borrell deklaroi se marrëveshja ndërmjet Beogradit dhe Prishtinës parandalon rrezikun e shpërthimit të një krize tjetër, e cila mund të kishte shkaktuar përshkallëzim të dhunës në veri të Kosovës.

Në konferencën për shtyp, pas Forumit Rajonal të Unionit për Mesdheun, Borrell tha se mbetet shpresëplotë se do të vijojnë diskutimet mbi propozimin franko-gjerman, shkruan N1.

Ai deklaroi se të dyja palët kanë thënë se ajo që është nënshkruar më herët do të zbatohet dhe se është rënë dakord që të vazhdojnë bisedimet në Bruksel për normalizimin e marrëdhënieve mes dy vendeve.

Ditën e djeshme, kryeministri i Kosovës, Albin Kurti deklaroi se në Bruksel nuk ka pasur marrëveshje, por dakordësi për targat.

“Marrëveshja e mbrëmshme nuk është marrëveshje për targat. Ne u morëm vesh t’i ndalojmë veprimet reciproke, pra ne nuk do të bëjmë gjobitje për targat KM, dhe do t’i japim hapësirë negocimit të propozimit evropian, që më herët quhej franko-gjerman”, theksoi Kurti gjatë fjalës së tij në Kuvend.

LEXONI GJITHASHTU

• Kurti: Në Bruksel u arrit dakordësi për targat, por jo marrëveshje
• Vuçiç: Fitore e vogël taktike në Bruksel, pritet presion më i madh
• Kosova dhe Serbia arrijnë marrëveshje për targat