Masat pas vrasjes në Gramsh, orë sensibilizuese në shkollat e gjithë vendit

Pas ngjarjes së ndodhur dje në Gramsh ku një adoleshent u vra më thikë nga bashkëmoshatarët, në shkollat e vendit janë zhvilluar orë informimi me oficerët e sigurisë, ku u është kërkuar nxënësve të raportojnë çdo problem.

Në gjimnazet e vendit, që prej vitit 2018, janë vënë oficerë sigurie, për të pasur në vëzhgim nxënësit, si dhe të parandaluar çdo konflikt dhe përplasje që mund të kenë të rinjtë.

“Roli është të kontribojë si parim i parë në sigurinë e nxënësve, të komunitetit të shkollës. Roli jonë është të parandalojmë konfliktet , të jemi aty në cdo situatë grindje, bullizmi që mund të çojë në përmasa të mëdha”- thotë Xhesika Gërmi.

Janë 220 oficerë sigurie në shkollat e sistemit para-universitar. Prej disa kohësh janë vendosur këto punonjës edhe në shkollat 9-vjeçare, ku numri i nxënësve shkon mbi 700.

“Për të qenë oficer sigurie, duhet të kesh mbaruar studimet në fusha sociale dhe juridike, këto janë dy kritere si dhe një master. Kalon disa etapa, derisa të marrë emërimin, konkurimi si dhe një intervistë në ambientet e akademisë së sigurisë si dhe janë trajnuar prej një muaji”- shtoi më tej ajo.

Ngjarja e ditën e djeshme në Gramsh ndodhi shumë larg ambienteve të shkollës, megjithatë oficerët e sigurisë, kanë shtuar vëmendjen ndaj nxënësve.

Sot në të gjithë shkollat e vendit, është mbajtur një orë sensibilizimi, duke u bërë edhe njëherë thirrje nxënësve, që të tregohen të kujdesshëm dhe të raportojnë çdo konflikt që mund të kenë.

LEXONI GJITHASHTU: 

• Shpërthen në lot drejtoresha e shkollës ku u vra 15-vjeçari: Ishte fëmijë shembullor
• 15-vjeçari humbi jetën, policia jep detaje nga sherri mes 5 adoleshentëve në Gramsh