Dy persona janë arrestuar nga policia në Shokodër dhe tre të tjerë janë proceduar, pasi akuzohen se mashtronin shtetas të huaj për të investuar në bursa fiktive.
Të arrestuarit janë, administratori i Call Center-it J. P., 28 vjeç dhe menaxherja e subjektit, shtetasja rumune, F. P., 36 vjeçe.
Në kërkim, janë shpallur shtetasit E. S., 34 vjeç, banues në Shkodër, D. Sh., shtetas izraelit, banues në Tiranë dhe L. Gj., 25 vjeç, banues në Shkodër, me detyrë specialist teknologjie pranë subjektit call center.
Të arrestuarit, në bashkëpunim me 3 të shpallurit në kërkim, kishin punësuar disa operatorë, të cilët telefononin shtetas të ndryshëm dhe i mashtronin ata që të kryenin investime në bursa fiktive.
Gjatë kontrollit në këtë subjekt janë sekuestruar edhe 2 aparate celulare që dyshohet se përdoreshin për lotari të palejuara.
LEXONI GJITHASHTU