Matarella viziton Shqipërinë: Italia do jetë në krahun tuaj në procesin e integrimit

Këtë të enjte presidenti i Italisë, Sergio Matarrlla vizitoi Shqipërinë, ku zhvilloi takime me krerët më të lartë të shtetit dhe politikës në vend. Gjatë konferencës së përbashkët me homologun e tij shqiptar, Matarella, përsëriti edhe njëherë mbështetjen që Italia i ka dhënë dhe vazhdon ti japë Shqipërisë në procesin e integrimit europian.

“E ardhmja e Shqipërisë është në Europë dhe pa Ballkanin Perëndimor, Bashkimi i kontinentit do të jetë i paplotë. Kjo është pjesë thelbësore e projektit të integrimit të të gjithë kontinentit dhe ajo që ndodhi më 19 korrik, thekson edhe njëherë rëndësinë e këtij synimi. Shqipëria është Shqipëria është një pik kyç në rajon jo vetëm sa i përket projekteve në planin bilateral por dhe atë kombëtar. Pata rastin t’i shpreh presidentit Begaj dhe delegacionit të tij se Italia do të jetë në krahë të Shqipërisë në rrugëtimin e saj të mëtejshëm në anëtarësimin e plotë të saj” – tha Sergio Matarella.

Ndërsa presidenti Bajram Begaj gjatë fjalës së tij e vuri theksin në bashkëpunimin ekonomik mes dy vendeve tona.

“Mirëpresim një prezencë të shtuar të biznesit italian dhe vlerësojmë kontributin e sipërmarrjeve italiane në vendin tonë. Komisioni i parë i përbashkët ekonomik i zhvilluar në Romë vitin e kaluara është një instrument i rëndësishëm në identifikimin e fushave me interes të ndërsjellë”- u shpreh Begaj.

LEXONI GJITHASHTU: 

• Integrimi në BE, Hohmann: Muajt e ardhshëm, thelbësorë për perspektivën evropiane
• Betimi i Rrumbullakut, Çuçi ‘thumbon’ Nanon: I përulemi vetëm flamurit kuqezi