Mauro Icardi i është ofruar Milanit, sulmuesi i pakënaqur në Turqi

Një mision i vështirë, por jo i pamundur është ai i ndërmarrë nga Mauro Icardi, sulmuesi aktual i Galatasarayt i cili dëshiron të largohet nga kampionati turk.

32-vjeçari është i pakënaqur me hapësirat që po i jepen nga kampionët dhe po mendon të rikthehet në Itali, madje në Milano ku qëndron për disa sezone. Lajmi është se argjentinasi nuk ka më në plan Interin, por rivalët e qytetit, Milanin.

Lajmin e ka konfirmuar eksperti i merkatos Matteo Moretto, i cili ka konfirmuar bisedimet mes palëve.

“Ai nuk po merr hapësirë për shkak të Osimhen. Milani e ka vëzhguar atë që në verën e vitit 2024. Sot më është thënë se është një opsion shumë i vështirë, nuk është ndër emrat e parë në listë, por mund t’ju them se Icardi i është ofruar Milanit. Për disa arsye, Milani nuk po e shtyn përpara idenë, por atij iu ofrua dhe emri nuk më është mohuar. Unë mbaj një shans prej 2.3 për qind gjallë”, pohoi Moretto.

Icardi qëndroi për 7 vite në Milano, ku u kthye në lider tek Interi, më pas u largua drejt PSG.

LEXONI GJITHASHTU:

• Pritje spektakolare për Icardin, Argjentinasi nënshkruan me Galatasaray
• Shitja e dytë më e shtrenjtë e Interit, PSG blen përfundimisht Icardin