Max Verstappen fituesi i Çmimit të Madh të Italisë në Monza 

Piloti holandez i Red Bull, Max Verstappen është fituesi i garës për Çmimin e Madh të Italisë, që u zhvillua sot në kampionatin e Formula 1 në pistën e Monzas.

Verstappen arriti fitoren e 31-të në karrierë, dhe triumfin e 11-të të këtij sezoni, edhe pse nisi nga pozita e shtatë. Kjo është fitorja e pestë radhazi e kampionit aktual të botës në F1. Ai arriti kohën 1:20:27.511.

Vendi i dytë i takoi pilotit të Ferrarit Charles Leclerc nga Monako, i cili ishte 2.44 sekonda prapa fituesit, ndërsa i treti piloti britanik i Mercedesit, George Russell.

Vendin e katërt e fitoi spanjolli Carlos Sainz nga Ferrari, ndërsa i pesti piloti i Mercedesit, britaniku Lewis Hamilton, i cili nisi nga vendi i parafundit.

Pika fituan edhe meksikani Sergio Perez nga Red Bull, britaniku Lando Norris nga McLaren, francezi Pierre Gasly nga ekipi i Aston Martin, holandezi Nick de Vries nga Williams dhe kinezi Guanyu Zhou nga ekipi Alfa Romeo.

Verstappen mban vendin e parë në renditjen e përgjithshme të pilotëve me 335 pikë, ndërsa Leclerc është i dyti me 219.

Gara e radhës në kampionatin F1 do të zhvillohet më 2 tetor për Çmimin e Madh të Singaporit.

LEXONI GJITHASHTU:

• Vershtapen dominon në Çmimin e Madh të Belgjikës, Ferrari zhgënjen sërish