Votohet për kreun e ri të PD, Basha përballë Harxhit, Kadillit e Shehajt

Sot anëtarët e Partisë Demokratike u drejtohen kutive të votimit për të zgjedhur liderin e 4 viteve të ardhshme.

Votimi ka nisur në orën 8:00 dhe pritet të mbyllet në orën 19:00.

Në garë janë kryetari aktual Lulzim Basha dhe 3 sfidantët Agron Shehaj, Edit Harxhi dhe Fatbardh Kadilli.

Dy ditë më parë Komisioni Zgjedhor në Partinë Demokratike zhbllokoi listën e votuesve të PD-së me mbi 75 mijë anëtarë.

Kryetari i komisionit të zgjedhjeve në PD, Jemin Gjana bëri me dije se deri në orën 13.00 në shkallë vendi janë 23 mijë e 536 anëtarë që kanë votuar, diku tek 31.3% në raport me 75 mijë e 67 anëtarë që janë.

Z. Gjana shpjegoi se procesi ka vazhduar normalisht, ndërkohë ka ndonjë zëvendësim të vëzhguesve të ndonjë prej kandidatëve në garë për arsye të ndryshme.

Ndërkohë, ai i është përgjigjur edhe pyetjeve lidhur me pretendimet e kandidatit Agron Shehaj për përjashtim të vëzhguesve të tij.

“Vetëm gjatë ditës së sotme, vetëm në tre orët e paradites, vetëm për llogari të kandidatit Shehaj, kemi ndërruar tre komisionerë në Lushnje. Kemi larguar Ermal Sefën me kërkesën e kandidatit, e kemi zëvendësuar me Ferdinad Zdravën po me kërkesë të kandidatit, kemi larguar Ferdindand Zdravën ,e kërkesë të kandidatit dhe e kemi zëvendësuar me Fabio Hoxhën po me kërkesë të kandidatit.

Nëse kanë probleme me individët që i çojnë për përfaqësim, nuk u qëndrojnë apo nuk bëjnë ato që u kërkojnë kandidatët, është çështje e tyre. Nuk kemi lejuar asnjë njeri të shkelë asnjë prej rregullave dhe udhëzimeve që kemi dhënë. Më vjen keq që e kthejmë në një debat dhe një lojë politike”, tha z. Gjana.

LEXONI GJITHASHTU:

Zgjedhjet në PD, Lulzim Basha: T’u tregojmë kundërshtarëve se jemi në këmbë

Neritan Sejamini: Basha e ka të pamundur që të bindë shqiptarët se zgjedhjet janë vjedhur