Mbahet edicioni i tretë i koncertit pianistik ‘Fqinjët’

Projekti “Fqinjët” ka mbërritur në edicionin e tij të tretë.

“Kemi pasur një shkëputje nga tetori i vitit 2019 kur ABC Tirana Club zhvilloi edicionin e dytë, por kjo ka qenë një pauz e detyrueshme nga rrethanat e masave dhe protokolleve anti-COVID. Pandemia i ka lënë në heshtje sallat e koncerteve, ndali kalendarët dhe agjendat artistike për dy vite. Sot jemi shumë të kënaqur me këtë rikthim në skenë,” – u shpreh pianisti Johan Muka.

Këtë të premte në piano interpretuan Johan dhe Ami Muka, motër e vëlla, nën udhëheqjen artistike të pedagoges Vjollca Stamo.  

Ata sollën pjesët më të mira të një artsiti të rëndësishëm nga Italia fqinje, Ludovico Einaudi që me albumin e tij të parë solo “Le onde” tërhoqi vëmendjen e kritikës.

Si çdo edicion i mëparshëm edhe kësaj here qëllimi i projektit studentor “Fqinjët” mbetet forcimi i urave të komunikimit dhe shkëmbimit kulturor, promovimi i vlerave kulturore klasike dhe bashkëkohore dhe sigurisht, edukimit muzikor.

Dy artistët e rinj performuan për publikun pjesë nga partiturat e famshme të artistit si: Elegy for the Artic, I giorni, Tu sei, Night, Monday, e të tjera.

LEXONI GJITHASHTU: 

• Koncert për Mustafa Krantjan, në skenë ngjitet ‘Baketa e parë e Operas Shqiptare’
• Festa e Verës dhe Gështenjave në Pogradec bashkon turistë nga e gjithë bota