Mbanin armë në lokalin në pronësi të tyre, arrestohen babë e bir

Babë e bir janë arrestuar nga policia e Tiranës pasi në magazinën e lokalit në pronësi të tyre u gjet një armë zjarri pa leje dhe municion luftarak. Në pranga përfunduan shtetasit M. H., 36 vjeç dhe S. H., 67 vjeç.

Materialet në nagrkim të tyre i kaluan prokurorisë për veprime të mëtejshme.

“Shërbimet e Forcës së Posaçme “Shqiponja”, në bashkëpunim me Komisariatin e Policisë Nr. 6, në vijim të punës për parandalimin dhe goditjen e veprimtarisë kriminale në fushën e armëmbajtjes pa leje, bazuar dhe në informacionet e siguruara nga inteligjenca informative, se dy shtetas mbanin armë zjarri, në lokalin e tyre, në rrugën “Astrit Losha”, kanë organizuar dhe finalizuar me sukses operacionin policor të koduar “Night”. Si rezultat i këtij operacioni, u arrestuan në flagrancë shtetasit M. H., 36 vjeç dhe S. H., 67 vjeç, banues në Tiranë.

Gjatë kontrollit në magazinën e lokalit të këtyre shtetasve, shërbimet e Policisë gjetën dhe sekuestruan, në cilësinë e provës materiale, një armë zjarri pistoletë dhe municion luftarak”, thuhet në njoftimin e policisë.

LEXO GJITHASHTU:

• Rrëmbyen, rrahën dhe lanë pa ndjenja në rrugë një person, arrestohen ‘të fortët’
• Aldo Bare kërkon uljen e dënimit, padit në SPAK Gjykatën e Lartë. Ankesë dhe në ILD