Policia e Shkodrës ka arrestuar një 44-vjeçare dhe ka shpallur në kërkim bashkëshortin e saj, pasi në banesën e tyre u gjetën dhe sekuestruan 5 granata, 5 ndezës granatash, një armë pneumatike, pjesë armësh dhe municion luftarak.
Gjatë kontrolleve të ushtruara në banesën e bashkëshortëve në fshatin Shtoj i Vjetër, policia gjeti armët dhe municionet luftarake duke bërë të mundur arrestimin e E. P., 44 vjeçe, dhe shpalljen në kërkim të bashkëshortit të saj, D. H., 49 vjeç.
Gjithashtu, gjatë kontrollit në banesën e babait të 44-vjeçares, shtetasit Xh. P., 72 vjeç, u gjet një armë gjahu teke. Për këtë arsye, ai u procedua në gjendje të lirë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
LEXONI GJITHASHTU:
- Vodhi një banesë në Shkodër, arrestohet në flagrancë 34-vjeçari
- Me armë në brez në mes të rrugës, arrestohet 44-vjeçari