Mbappe “hakmerret” ndaj PSG, francezi hedh në gjyq ish-ekipin, kërkon miliona euro

Vite më parë mund të konsiderohej si një histori dashurie me ngjyrat rozë, ku Mbappe dhe PSG ishin binomi perfekt i botës së futbollit, por gjërat e bukura nuk zgjasin përgjithmonë. Kohët kanë ndryshuar dhe palët jo vetëm që nuk kanë harmoni, por madje do të kenë një seancë gjyqësore mes njëri-tjetrit. Konkretisht Kylian Mbappe ka vendosur të hedhë në gjyq ish-ekipin e tij, duke pretenduar se nuk i ka shlyer detyrimet prej 50 milionë euro. Bëhet fjalë për 3 muaj të pagës si dhe bonuset, të cilat më herët ishin parashikuar në kontratë.

Prej javësh sulmuesi e ka ngritur këtë shqetësim, duke kërkuar ndaj drejtuesve paratë, por ende asgjë, ndërsa ka kaluar në veprime konkrete, duke kërkuar ndihmën e gjykatës.

Në lidhje me këtë cështje është duke u marrë vetë UEFA, e cila në vijim pritet të kërkojë një informacion më të detajuar nga kampionët e Francës, që me gjasa do të duhet ta shlyejne sa më shpejt lojtarin. Kujtojmë që Mbappe u largua nga PSG pak muaj më parë, ndërsa firmosi me Los Blancos.

LEXONI GJITHASHTU:

• Suarez tërhiqet nga kombëtarja, golashënuesi më i mirë në histori për ekipin
• Merkatoja e kuqezinjve, pas Brojës edhe Seferi e Bajrami ndryshojnë ekip