Mbërritja e dozave të vaksinës Pfizer mund të shtyhet, konfirmon kryeministri Rama për Euronews Albania

Kryeministri Edi Rama gjatë konferencës “Ekonomia në Fokus” teksa u pyet nga gazetarja e Euronews Albania, Eksiola Shehu për mbërritjen e dozave të vaksinës të kontraktuara me kompaninë Pfizer, la të kuptohej se ato nuk do të mbërrijnë këtë javë në Shqipëri.

“Po të kishin mbërritur do të kishe marrë vesh apo ajo”, i tha fillimisht kryeministri Rama gazetares Shehu. 

Më tej, kreu i qeverisë theksoi se dozat nuk mund të vijnë këtë javë, ashtu siç ishte parashikuar, pasi vetë kompania Pfizer ka shtyrë me një javë procesin e dorëzimit të dozave që ka kontraktuar.

“Ti përfaqëson edhe një media, e cila e ka shtrirjen më të gjerë sesa kufijtë e Shqipërisë. Besoj që duhet ta kesh ndjekur. Nëse nuk e ke ndjekur verifikoje që Pfizer ka bërë një deklaratë që ka ndezur zjarr, polemikën me shumë shtete të BE-së, duke thënë që do ta shtyj për një javë procesin e dorëzimit të dozave që ka kontraktuar. Si t’ia bëjmë tani? Kaq e thjeshtë është”, përfundoi Rama.

Lexoni gjithashtu:

Kryeministri Rama mbron premtimin elektoral për 300 mijë vende pune