Mbështetje me vaksina anti-COVID, Oliver Varhelyi të mërkurën vjen në Shqipëri

Komisioneri i Bashkimit Evropian për Fqinjësinë dhe Zgjerimin, Oliver Varhelyi, do të ndërmarrë javën e ardhshme një tur vizitash në vendet e Ballkanit Perëndimor, përfshirë edhe Shqipërinë.

Zyrtari i lartë i BE-së të mërkurën do të jetë në Tiranë në kuadër të dorëzimit të dozave të vaksinave  anti-COVID, që unioni ka vënë në dispozicion për vendet e Ballkanit Perëndimor.

“Unë do të udhëtoj në  Ballkanin Perëndimor javën e ardhshme pasi vaksinat e para COVID-19 të financuara nga BE arrijnë në rajon. 651,000 doza të vaksinave BioNTech dhe Pfizer do të dorëzohen nga maji deri në gusht për të rritur fushatat e vaksinimit”, shkruan ai.

I will be travelling to #WesternBalkans next week as first #EU-funded #COVID19 vaccines arrive to the region. 651,000 @BioNTech_Group @pfizer vaccine doses will be delivered from May to August to boost vaccination campaigns. We care! https://t.co/ufYDnRtBCc pic.twitter.com/3KObM3D7Qa

— Oliver Varhelyi (@OliverVarhelyi) April 30, 2021

Ai thekson se dorëzimi i vaksinave konfirmon qartësisht mbështetjen e BE-së për Ballkanin Perëndimor.

“Ne kujdesemi! Ne kujdesemi për partnerët tanë, si dhe për punonjësit e tyre të kujdesit shëndetësor dhe grupet më të prekshme. Dorëzimi i vaksinave konfirmon angazhimin tonë të vazhdueshëm për të siguruar mbështetje, siç kemi bërë që nga shpërthimi i pandemisë. Së bashku jemi më të fortë”, shton ai.

Lajmin për vizitën e Oliver Varhelyi e ka konfirmuar po ashtu edhe ambasadori i BE-së në Tiranë, Luigi Soreca me një shënim në “Twitter”.

.Commissioner @OliverVarhelyi🇪🇺 will be in Tirana next Wednesday 5/5 as first batch of #EU-funded #COVID19 vaccines arrive to #Albania 🇦🇱. This delivery confirms 🇪🇺 continuous commitment to provide support, as it has been doing since the outbreak of the pandemic. #WeCare! 🇪🇺🤝🇦🇱 https://t.co/iTfEbUvccS

— Luigi Soreca🇪🇺 (@LSorecaEU) April 30, 2021

Në një dalje për mediat ditë më parë, Komisioneri Evropian për Zgjerimin, Oliver Varhely konfirmoi se këto vaksina janë planifikuar për punonjësit shëndetësor dhe grupet më vulnerabël.

Nga kjo sasi vaksinash, që BE-ja ka planifikuar të shpërndajë në Ballkanin Perëndimor, Shqipëria pritet të marrë 145,000 doza.

Lexoni gjithashtu: 

Vaksina për Ballkanin Perëndimor, Austria dërgon deri në gusht 651.000 doza të vaksinës Pfizer