Mbeturina buzë detit në Durrës, era e fortë nxjerr në breg tonelata mbetje plastike

Era që ka përfshirë bregdetin e Adriatikut ka nxjerrë në breg të detit sasi të mëdha mbeturinash.

Në një gjatësi prej katër kilometrash, i gjithë brezi ranor nga Plepat, Shkëmbi Kavajës deri në Golem është mbushur me mbetje të gjithfarëllojshme.

Në terren për të pastruar bregdetin dolën punonjës të ndërmarrjes së pastrimit, të cilët me anë të një fadrome grumbulluan dhe më pas larguan të gjithë papastërtitë.

Kjo situatë, sipas autoriteteve lokale të Durrësit, përsëritet vazhdimisht për shkak të shkarkimit apo depozitimit të mbetjeve urbane në lumenj apo kanale kulluese, të cilat më pas përfundojnë në det.

Në detin Adriatik derdhen 2 lumenjtë më të ndotur në vend, ai Erzen dhe Ishëm për pastrimin e të cilëve është apeluar shpesh nga aktivistët dhe vullnetarët.

LEXONI GJITHASHTU:

• I dënuar me 12 vjet burg për drogë, arrestohet 40-vjeçari në Durrës
• Zhdukja e 3-vjeçarit|Kikia: Gjyshërit nga Durrësi e rrëmbyen nipin, ka pësuar traumë