Mbi 100 mijë protestues në Beograd, çfarë po ndodh në kryeqytetin serb

Një protestë masive e udhëhequr nga studentët dhe mbështetur nga qytetarët ka shpërthyer në Beograd, nën sloganin “15 për 15”, duke kërkuar drejtësi për viktimat e tragjedisë që ndodhi në stacionin hekurudhor të Novi Sadit, ku humbën jetën 15 persona pas shembjes së një tende.

Protesta ka shkaktuar bllokada në disa rrugë kryesore të qytetit, ndërsa situata mbetet e tensionuar, me forca të shumta policore në gatishmëri.

Pjesëmarrësit në protestë janë grumbulluar në disa pika kryesore të qytetit, duke bllokuar rrugë dhe udhëkryqe të rëndësishme, përfshirë rrethrrotullimin në Beogradin e Ri, Sheshin e Republikës, Bulevardin Mbreti Aleksandra dhe Autokomandën.

Në lagjen Bele Vode, një shofer, i identifikuar si Ž. M. (50), ka goditur tre persona me makinën e tij BMW. Pas një ndjekjeje të shkurtër, shoferi është arrestuar nga policia dhe është dërguar në qendër për hetime të mëtejshme.

Studentët që po organizojnë protestën kërkojnë një hetim të plotë të ngjarjes tragjike në Novi Sad dhe janë të angazhuar për një llogaridhënie të institucioneve shtetërore që, sipas tyre, janë përgjegjëse për ngjarjen për shkak të korrupsionit dhe keqmenaxhimit. Ata kërkojnë gjithashtu reforma të thella për të ndaluar korrupsionin që po dëmton vendin.

Ky është tubimi i katërt masiv i studentëve dhe qytetarëve për këtë çështje, ndërsa protesta vazhdon të marrë përkrahje të madhe nga të gjitha shtresat e shoqërisë serbe.

Në përfundim, protestuesit kërkojnë një qeveri që të ofrojë llogaridhënie për veprimet e saj dhe të sigurojë që një tragjedi e tillë të mos përsëritet në të ardhmen.

“Shkundet” Beogradi, qindra mijëra protestues ngrihen kundër korrupsionit pic.twitter.com/zJveaC1mkS

— Euronews Albania (@EuronewsAlbania) March 15, 2025

LEXONI GJITHASHTU:

• Ministria e Brendshme e Serbisë: 31.000 persona pritën studentët në Beograd 
• Analisti serb: Vuçiç mund të përdorë grupin e Banjskës kundër protestuesve nesër