Spanja po përballet me temperatura të larta ende pa nisur stina e verës. Në disa qytete, termometri ka shënuar mbi 31 gradë.
Në zonat veriore të vendit, që kanë një klimë me të ftohtë, gjatë nisjes së kësaj jave temperatura ka qenë 28 deri në 30 gradë. Ndërsa në zonën e Mesdheut, termometri shënuar më tepër se 31 gradë.
Klima e ngrohtë ka bërë që turistet t’u drejtohen plazheve dhe të nisin prenotimet që në pranverë.
Por rritja e temperaturave në këtë periudhë të vitit është e pazakontë. Ekspertët paralajmërojnë se Mesdheun këtë vite e pret një verë me temperatura ekstreme. Spanja, Italia dhe Greqia, gjatë vitit që lamë pas patën probleme serioze në bujqësi për shkak të thatësirës, si dhe dëme të konsiderueshme nga zjarret.
LEXONI GJITHASHTU: