Në orën 16:30, deputeti demokrat Enkelejd Alibeaj do të mbledhë Grupin Parlamentar të kësaj force politike.

Gazetari i Euronews Albania, Ardit Hoxha raporton se në këtë mbledhje, pritet të diskutohet propozimi i Edi Palokës, i cili zhvilloi më herët gjatë ditës së sotme me Gazment Bardhin, ku diskutuan për mundësinë e një kandidati të vetëm të PD-së për zgjedhjet vendore.

Me interes do të jetë për të parë edhe numrin e deputetëve pjesëmarrës në këtë mbledhur të thirrur nga Alibeaj.

9 muaj e 10 ditë pas këtyre skenave në selinë blu, palët në Partinë Demokratike nisën këtë të martë përpjekjet për bashkim.

Edi Paloka dhe Gazment Bardhi janë dy të mandatuarit e dy grupimeve për të negociuar mundësitë dhe rrugët për bashkimin dhe daljen me kandidatë të përbashkët në zgjedhjet e ardhshme lokale.

Të dy qëndruan në takim kokë më kokë për rreth 90 minuta në një nga lokalet e Tiranës.

Pas takimit, të dy refuzuan të jepnin detaje rreth asaj që kishin biseduar, por deklaruan se do të ketë një takim të dytë.

LEXONI GJITHASHTU

• Enkelejd Alibeaj mbledh grupin e PD
• VIDEO/ A do të bashkohet PD-ja? Paloka takim kokë më kokë me Bardhin
• Gjekmarkaj: S’jam spiun, çfarë i them të huajve dhe Yuri Kim-it për PD-në