Mbledhja e Asamblesë së PS, kryeministri Rama kritika për punën e bërë në Kavajë

Prej orës 11 vijon mbledhja e asamblesë së Partisë Socialiste. Ka nisur raportimi sipas qarqeve për punën brenda partisë.

Qarku i parë që ka nisur raportimin është Tirana, ku ka folur drejtuesit politik Erion Veliaj dhe 3 anëtarë të asamblesë.

Burime bëjnë me dije se në këtë qark pakënaqësi ka pasur për Kavajën dhe strukturën e kësaj force politike në këtë bashki. Kavaja është bashkia ku PS humbi në zgjedhjet lokale të 14 majit.

Po ashtu, burime bëjnë me dije se Rama të ketë thënë se në Kavajë partia është inekzistente. Rama ka kërkuar nga Veliaj si drejtues qarku që t’i bëjë me dije listën e anëtarëve asamblesë në këtë qark të cilët nuk kanë kryer detyrat e përcaktuara për t’i përjashtuar.

LEXONI GJITHASHTU:

• Mbledhja e Asamblesë së PS/ Rama: Proces i rëndësishëm, nevojitet hapje e partisë
• Mblidhet sot Asambleja e PS, gazetarja: Fokusi, raportimi i punëve dhe riroganizmi