Mblidhet Grupi Parlamentar i PS, porosia e Çuçit për deputetët para seancës plenare

Grupi Parlamentar i Partisë Socialiste ka zhvilluar ditën e sotme një mbledhje. Gazetari Ardit Hoxha bën me dije se ishte një mbledhje relativisht e shkurtër, prej 45 minutash e drejtuar nga Çuçi, ku është diskutuar ajo që do të ndodhë ditën e sotme, ku do të mblidhet seanca plenare për këtë sezon të ri parlamentar.

Mësohet se Çuçi ka kërkuar që duhet të bëhen përpjekje që parlamenti t’i rikthehet normalitetit dhe në këtë pikë, ka deklaruar se rregullorja  e re e miratuar në fund të vitit të shkuar, do të shërbejë në këtë funksion për të rritur rregullin.

Bëhet e ditur se u ka kërkuar deputetëve socialistë një angazhim më të madh.

Përsa i përket seancës së sotme pritet të jetë një seancë relativisht e shkurtër, për shkak se në rendin e saj është parashikuar vetëm miratimi i procesverbaleve të seancës së shkurtër dhe njoftimi në kabinetin qeveritar.

Nga ana tjetër, pritet që dhe në seancën e sotme të ketë përplasje nga ana e opozitës.

LEXONI GJITHASHTU: 

• Raporti: Pesë personat më të pasur në botë dyfishuan pasurinë e tyre
• Sot 25-vjetori i Masakrës së Reçakut