Ministria e Mbrojtjes në Mbretërinë e Bashkuar deklaroi se qyteti i Kreminës në rajonin e Luhanskut është nën kontrollin e ushtrisë ruse.
Raportet e mëparshme kishin sugjeruar tashmë se forcat ruse kishin nën kontroll Kreminën, një qytet me rreth 18,000 banorë, shkruan BBC.
Sipas ministrisë, luftime të ashpra u raportuan në jug të qytetit të Izyum, ndërsa forcat ruse përpiqen të avancojnë drejt Sloviansk dhe Kramatorsk.
Forcat ukrainase kanë përgatitur mbrojtje në Zaporizhzhia në përgatitje për një sulm të mundshëm rus nga jugu.
Ndërsa, Ministri i Jashtëm i Rusisë, Sergei Lavrov deklaroi se ekziston mundësia që konflikti me Ukrainën të përshkallëzohet në përdorimin e armëve bërthamore.
Lavrov akuzoi gjithashtu presidentin ukrainas Volodimir Zelenski se shtiret në negociatat për paqe, duke e quajtur atë “një aktor të mirë”.
LEXONI GJITHASHTU
