Mbreti Charles III sot, teksa iu drejtua deputetëve në Dhomën e Ulët të Parlamentit italian, foli pjesërisht në italisht.

Ai falënderoi presidentin italian Sergio Mattarella për “ftesën dashamirëse” për të vizituar Italinë dhe duke iu drejtuar parlamentit, ai u bë monarku i parë britanik që e bëri këtë , raportoi Ansa.

“Shpresoj të mos ia prish gjuhën Dantes aq shumë sa të mos më ftojnë më në Itali ”, tha mbreti me shaka.

Në fjalën e tij ai tha se ishte një nder i madh për të që u ftua të flasë para deputetëve, për herë të parë si sovran britanik.

“Italia është një vend që është shumë i dashur për mua, për mbretëreshën, si dhe për shumë britanikë”, tha mbreti.

Duke folur në italisht, Mbreti Charles theksoi rëndësinë e kthimit në Itali, një vend që ai e vizitonte shpesh si Princi i Uellsit.