Mbreti Charles III u diagnostikua me kancer, reagon Princi William

Një “faleminderit” për mesazhet e mbështetjes për Mbretin Charles III, i cili është diagnostikuar me kancer, ishte komenti i parë publik nga djali i tij, Princi William.

“Faleminderit për mesazhet tuaja dashamirëse”, tha Princi William ndërsa mbërriti në një gala për Shërbimin e Ambulancës Ajrore të Londrës në Londër.

Ndërkohë, vëllai i William, Princi Harry është kthyer në Kaliforni pas një udhëtimi të stuhishëm në Londër, që zgjati pothuajse 24 orë për të parë Mbretin Charles III.
Takimi me të atin, Mbretin Karli, zgjati rreth 45 minuta.

Ata patën një takim të shkurtër përpara se Mbreti dhe Kamila të fluturonin në Pallatin Buckingham dhe prej andej në Sandringham në Norfolk me helikopter. Një burim nga pallati i tha The Times se takimi midis Harrit dhe mbretit ishte i shkurtër sepse Karli ishte i lodhur nga një operacion të hënën.

Mendohet se Princi Harry nuk e ka parë vëllain e tij Princin William apo nusen e tij Kate Middleton, e cila po shërohet nga operacioni abdominal.

LEXONI GJITHASHTU: 

• “Ligj anti-Salianji”, deputeti i PD: Nuk përfitoj nga amnistia
• PE kërkon hetime ndërkombëtare për parregullsitë e raportuara për zgjedhjet në Serbi