Mbyllen sallonet e bukurisë, urdhri i ri i talebanëve zemëron gratë afgane

Talebanët kanë dhënë një urdhër të ri që imponon mbylljen e salloneve të bukurisë për gratë. Vendimi është pritur me zemërim nga gratë afgane dhe komuniteti ndërkombëtar.

Urdhri ka në fokus kryeqytetin Kabul, por edhe provincat në të gjithë vendin dhe u jep pronarëve vetëm një muaj kohë për të mbyllur bizneset e tyre. Për vendimin nuk është dhënë asnjë motiv.

“Punoj prej një viti. Ditët e fundit, talebanët dhanë urdhrin për të mbyllur sallonet e bukurisë. Unë iu lutem atyre të mos e bëjnë këtë, sepse punojmë për të fituar bukën e gojës. Edhe shkollat janë të mbyllura për gratë, por a nuk kanë ato të drejtë të jenë pjesë e shoqërisë?” – u shpreh një grua.

“Kur të mbyllet do të qëndroj në shtëpi e papunë, pa asgjë në dorë. Do të vuaj pasi shpresa ime e vetme ishte të punoja këtu. Nëse rri në shtëpi do të sëmurem,” – tha një tjetër.

Bëhet fjalë për kufizimin e fundit të të drejtave dhe lirive për gratë afgane, pas masave që u ndalonin atyre arsimimin, shfaqjen në eventet publike dhe punësimin.

Lëvizjet në fjalë kanë shkaktuar zemërim ndërkombëtar, pasi izolojnë më tej vendin në një kohë kur ekonomia e tij është rrënuar dhe kriza humanitare e përkeqësuar.

LEXONI GJITHASHTU:

• Talebanët urdhërojnë mbylljen e salloneve të bukurisë në të gjithë Afganistanin 
• Talebanët vrasin liderin e IS-it që planifikoi sulmin në aeroportin e Kabulit