Mbyllen shkollat në qytetin e dytë më të madh të Pakistanit, shkak ndotja e ajrit

Ndotja e paprecedentë e ajrit në qytetin pakistanez të Lahores ka detyruar autoritetet të mbyllin të gjitha shkollat fillore për një javë.

Lahore, qyteti i dytë më i madh i Pakistanit, kryeson listën botërore të qyteteve me ajrin më të ndotur për herë të dytë të dielën.

Nga e hëna, 50% e punonjësve të zyrës do të punojnë gjithashtu nga shtëpia, si pjesë e një plani të “bllokimit të gjelbër”.

“Ky tym është shumë i dëmshëm për fëmijët, maskat duhet të jenë të detyrueshme në shkolla”, ka thënë ministri i lartë i Punjabit, Marriyum Aurangzeb.

Sipas të dhënave nga IQAir, indeksi i cilësisë së ajrit, i cili mat një sërë ndotësish, kaloi 1000 të shtunën, shumë më lart se pikë referimi prej 300 që konsiderohet “i rrezikshëm” nga Organizata Botërore e Shëndetësisë.

Niveli i grimcave të imëta në ajër, më i dëmshmi për shëndetin, u rrit gjithashtu në nivele të rrezikshme.

Ndërkohë Qeveria po u bën thirrje njerëzve të qëndrojnë brenda dhe të shmangin udhëtimet e panevojshme.

LEXONI GJITHASHTU:

• Droga çamçakëz që përgjum nxënësit në shkollat e Tiranës, reagon policia
• Rriten kërkesat për shkollat profesionale, ja çfarë i josh të rinjtë shqiptarë