Mbyllet afati i dorëzimit të kandidaturave për “primaret” në PD, 300 të interesuar

Afati për dorëzimin e kandidaturave brenda Partisë Demokratike është mbyllur mesnatën mes datës 17 dhe 18 shkurt, dhe deri tani rreth 300 kandidatë kanë shprehur interes për të marrë pjesë në garën e primareve.

Përveç deputetëve aktualë, të cilët kanë dorëzuar formularët e aplikimit, figura të tjera të Partisë Demokratike janë gjithashtu të interesuara për të garuar.

Këtë të hënë, Komisioni i Organizimit dhe Kontrollit të Operacioneve Elektorale (KOKOE) zhvilloi një mbledhje për të shqyrtuar kandidaturat dhe për të verifikuar dokumentacionin, duke iu kushtuar vëmendje çdo mungese të mundshme të materialeve të kërkuara.

Burime brenda Partisë Demokratike bëjnë të ditur se brenda kësaj jave pritet një mbledhje e Kryesisë për të miratuar listën e kandidatëve dhe për të hapur zyrtarisht garën e primareve. Pas miratimit të listave për çdo qark, do të nisë fushata e brendshme, e cila do të kulmojë me zhvillimin e zgjedhjeve për primaret më 1 mars, ku do të realizohet procesi zgjedhor për çdo qark.

LEXONI GJITHASHTU:

• Del udhëzimi: Primaret e PD do zhvillohen me 1 mars, si organizohet procesi zgjedhor
• “Berisha u persekutua si Trumpi”, Kreu i PD: LaCivita dha mesazhe të forta politike