“Me 1 mijë euro e ke të punësuar në Gjermani djalin”- shpallet në kërkim mashtruesi

Policia e Dibrës ka shpallur në kërkim një 38-vjeçar, i cili dyshohet se përmes mashtrimit i mori një shumë prej 1 mijë euro një shtetasi tjetër.

38-vjeçari dyshohet se i mori paratë me pretendimin se do t’i siguronte djalit të të dëmtuarit, një kontratë pune në Gjermani.

Policia e Dibrës bën me dije se po vijon puna për kapjen e shtetasit H. R., si dhe për dokumentimin e rasteve të tjera të mashtrimit që mund të jenë kryer nga ky shtetas”

Materialet procedurale në ngarkim të tij i kaluan Prokurorisë pranë Gjykatës së Rrethit Gjyqësor Dibër, për veprime të mëtejshme.

“Strukturat hetimore të DVP Dibër referuan materialet procedurale në Prokurori dhe shpallën në kërkim shtetasin H. R., 38 vjeç, banues në Dibër, pasi dyshohet se përmes mashtrimit, i ka marrë shumën 1000 euro, një shtetasi, me pretendimin se do t’i siguronte djalit të të dëmtuarit, një kontratë pune në Gjermani”, thuhet në njoftimin e policisë.

LEXONI GJITHASHTU:

• U përplas për vdekje nga kamioni, viktima 32-vjeçari personazh i njohur i Tik-Tok
• Aksident në Korçë, makina përplas motorin
• Aksidentoi për vdekje këmbësorin në ”Astir”, arrestohet 30-vjeçari